Koreya yarımadasında gərginlik: Döyüş təyyarələri havaya qalxdı

 Şimali Koreyanın 180 döyüş təyyarəsinin öz sərhədləri ilə qərb və şərq sahillərindən havaya qalxdığı müəyyən edilib.

Busaat.az xəbər verir ki, məhz bundan sonra Cənubi Koreyanın 80 döyüş təyyarəsi dərhal havaya qaldırılıb.

Yonhap agentliyinin Cənubi Koreya Baş Qərargahına (JCS) istinadən verdiyi xəbərə görə, Şimali Koreyanın 180 döyüş təyyarəsinin yerli vaxtla saat 11:00-15:00 arasında öz sərhədləri ilə qərb və şərq sahillərindən havaya qalxdığı aşkarlanıb.

Bundan sonra Cənubi Koreyanın 80 döyüş təyyarəsi dərhal havaya qalxıb.

Qeyd edək ki, Şimali Koreya dünən 6 raket sınağı keçirib. Bu sınaqların ABŞ və Cənubi Koreyanın bir həftə davam edən və F35 qırıcıları da daxil olmaqla 240-a yaxın təyyarənin iştirak etdiyi birgə hava təliminə qarşı həyata keçirildiyi bildirilib.

Busaat.az