Koronavirusdan müdafiənin ən yaxşı vasitəsi

Koronavirusdan müdafiənin ən yaxşı vasitəsibackend

Ümumdünya Səhiyyə Təşkilatının (ÜST) başçısı Tedros Adanom Qebreyesus bildirib ki, əllərin yuyulması koronavirusa yoluxmanın profilaktikası üçün əsas və ən effektiv vasitələrdən biridir.

Busaat.az Report-a istinadən xəbər verir ki, bu barədə ÜST sədri keçirdiyi brifinqdə bildirib.

O, qeyd edib ki, əllərin yuyulması “ictimai səhiyyənin ən əhəmiyyətli tədbirlərindən biridir”.

Təşkilat rəhbərinin sözlərinə görə, bu, koronavirus infeksiyasından, həm də başqa xəstəliklərdən qorumağa kömək edir.

Qebreyesus diqqəti dünyada milyonlarla insanın əllərini daim yumaq imkanlarına malik olmamasına yönəldib. O, həmçinin xatırladıb ki, 5 may əllərin Ümumdünya gigiyenası günü kimi qeyd edilir.

Dünyada koronavirusa 3,5 milyondan çox insan yoluxub, COVID-19-dan ölənlərin sayı 250 134 nəfərə çatıb.

Koronavirus ötən ilin dekabrında Çinin Vuhan şəhərində yayılmağa başlayıb.

Ümumdünya Səhiyyə Təşkilatı (ÜST) fevralın 11-də infeksiyaya COVID-19 adı verib, martın 11-də isə koronavirusu pandemiya elan edib.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90