Kosovo və Serbiyanı təmkinli və məsuliyyətli olmağa çağırırıq - NATO Baş katibi

 NATO Kosovo və Serbiyanı məsuliyyətli davranmağa və gərginlikdən qaçmağa çağırıb.

Busaat.az xəbər verir ki, bu barədə NATO-nun Baş katibi Yens Stoltenberq sosial mediya üzərindən açıqlama verib.

“İndi məsuliyyət və praqmatik həll yolları zamanıdır. Gərginliyin artmasının qarşısını almaq lazımdır” –deyə, Stoltenberq avtomobil nömrələri ilə bağlı mübahisənin həll oluna bilməməsindən məyus olduqlarını ifadə edib.

Stoltenberq NATO-nun Kosovodakı Sülhməramlı Qüvvələrinin istənilən vəziyyətə hazır olduğunu bildirib.

Qeyd edək ki, Kosovo ilə Serbiya arasında şəxsiyyət vəsiqəsi və avtomobil nömrələri səbəbiylə bir müddətir artan gərginliyə görə Serbiya prezidenti Aleksandr Vuçiç və Kosovo Baş naziri Albin Kurti Brüsseldə Aİ-nin Xarici Əlaqələr və Təhlükəsizlik Siyasəti üzrə Ali nümayəndəsi Josep Borell ilə ayrı-ayrı və üçtərəfli görüşüb. Liderlərin görüşündə gərginliyi azaltmaq istiqamətində razılıq əldə olunmayıb.

Busaat.az