Malinin müvəqqəti prezidenti Assimi Qoita telefon danışığında Rusiyaya kömək üçün Rusiya lideri Vladimir Putinə təşəkkür edibş
Busaat.az xəbər verir ki, bu barədə Kremlin mətbuat xidməti məlumat yayıb.
“Mali tərəfinin təşəbbüsü ilə Rusiya Federasiyasının prezidenti Vladimir Putin və Mali Respublikasının müvəqqəti prezidenti Assimi Qoita arasında telefon danışığı olub. Mali tərəfi Rusiyanın göstərdiyi çoxşaxəli yardıma görə minnətdarlığını bildirib”, – Kremlin məlumatında deyilib.
Dövlət başçıları həmçinin Sahara-Sahel bölgəsindəki vəziyyəti və son Rusiya-Afrika sammiti zamanı danışıqlarda əldə edilmiş razılaşmaların həyata keçirilməsini müzakirə ediblər.
“Ticarət-iqtisadi əlaqələri və təhlükəsizlik və terrorla mübarizə məsələlərində əməkdaşlığı gücləndirməkdə davam etmək üçün qarşılıqlı iradə bir daha təsdiqlənib”, – deyə məlumatda bildirilir.
