Qara dəniz sazişləri bazar ertəsi faktiki olaraq ləğv edilib və razılaşmanın Rusiyaya aid hissəsi yerinə yetirilməyib.
Busaat.az xəbər verir ki, bu sözləri Rusiya prezidentinin sözçüsü Dmitri Peskov deyib.
“Qara dəniz sazişləri artıq qüvvədə deyil. Rusiya prezidentinin əvvəllər dediyi kimi, son müddət iyulun 17-dir. Təəssüf ki, Qara dəniz sazişinin Rusiyaya aid hissəsi hələ də yerinə yetirilməyib. Nəticədə xitam verilib”, – Peskov bildirib.
“Sazişin Rusiya hissəsi yerinə yetirilən kimi Rusiya tərəfi dərhal bu sazişin icrasına qayıdacaq”, – diplomat əlavə edib.
O, həmçinin bildirib ki, Rusiyanın taxıl müqaviləsində iştirakının dayandırılması ilə bağlı mövqeyi Krım körpüsündə ən son terror aktından əvvəl açıqlanıb və bu hücum Moskvanın qərarına təsir göstərmir.
Busaat.az
