Kremlə PUA hücumu Ukrayna tərəfindən təşkil edilib - KİV

ABŞ kəşfiyyatı mayın 3-də Kremlə pilotsuz uçuş aparatı (PUA) ilə hücumu Ukraynanın Rusiyadakı gizli əməliyyatları çərçivəsində təşkil edə biləcəyini ehtimal edir.

Busaat.az xəbər verir ki, “New York Times” qəzetinə danışan Amerika rəsmiləri ABŞ kəşfiyyatının hücumu kimin həyata keçirdiyini dəqiq bilmədiyini, lakin bunun Ukrayna ordusuna və ya Rusiyadakı kəşfiyyata bağlı bir bölmənin gizli əməliyyatlarından biri kimi qiymətləndirildiyini iddia edib.

ABŞ kəşfiyyat orqanlarının PUA ilə hücumun Rusiya tərəfindən çaşdırmaq məqsədi ilə həyata keçirildiyini düşündüyünü bildirən rəsmilər, daha sonra Rusiya rəsmilərinin hücumdan təəccüblənməsi ilə bu fikrin dəyişdiyini və telefon dinləmələri zamanı Ukraynanı öz aralarında ittiham etdiyini iddia ediblər.

Hakimiyyət Ukrayna prezidenti Volodimir Zelenskinin bu hadisədən əvvəlcədən xəbərdar olmadığını iddia etsə də, Zelenskinin gizli əməliyyatlarının parametrləri geniş saxladığını və bu əməliyyatların qərarını daha çox təhlükəsizlik qüvvələrinin öhdəsinə buraxdığını iddia edib.

Busaat.az