Krım körpüsündə törədilən hücuma görə Rusiyanın mütləq cavabı olacaq.
Busaat.az xəbər verir ki, bu barədə Rusiya prezidenti Vladimir Putin bildirib.
“Əlbəttə, Rusiyadan cavab gələcək. Müdafiə Nazirliyi müvafiq təkliflər hazırlayır”, – deyə Putin qeyd edib.
Rusiya lideri Krım körpüsündə baş vermiş hadisəni “Kiyev rejiminin növbəti terror aktı” adlandırıb.
“Sonda bunu demək istəyirəm. Bir daha təkrar edirəm ki, baş verənlər Kiyev rejiminin növbəti terror aktıdır”, – prezident əlavə edib.
Onun sözlərinə görə, Federal Təhlükəsizlik Xidməti, İstintaq Komitəsi və bir sıra digər qurumlar Krım körpüsündə baş verənləri ətraflı araşdırmalıdırlar.
Busaat.az
