Yük maşınında baş verən partlayış nəticəsində Rusiya ilə Krımı bir-birinə bağlayan körpü zədələnib.
Busaat.az xəbər verir ki, bu barədə Rusiyanın Terrorla Mübarizə xidmətinin Mətbuat Mərkəzindən açıqlama verilib.
Açıqlamada Kerç körpüsü yaxınlığında yanacaq daşıyan yük maşınında baş verən partlayış nəticəsində yanğın baş verdiyi bildirilib.
Artıq Rusiya prezidenti Vladimir Putinin Kerç körpüsündə fövqəladə vəziyyətlə bağlı hökumət komissiyasının yaradılması barədə göstəriş verib.
Qeyd edək ki, bu barədə Ukraynanın rəsmi xəbər agentliyi də məlumat yayıb.
Məlumatda səhər saatlarında körpüdə partlayış baş verdiyi qeyd olunub. Sosial mediada isə, Kerç körpüsündə yolun çökməsi, relslərdə yanacaq olan vaqonlardan alovların yüksəldiyi görüntüləri paylaşılıb.
Busaat.az
