Səudiyyə Ərəbistanının “Əl-Nəsr” klubunun hücumçusu Kriştiano Ronaldoya qarşı ABŞ vətəndaşı Ketrin Mayorqanın cinsi təcavüzü ilə bağlı yeni iddia qaldırılıb.
Busaat.az xəbər verir ki, bu barədə Sky News məlumat yayıb.
Mənbənin sözlərinə görə, oğurlanmış məxfi sənədlərdən istifadə etdiyinə görə qızın daha əvvəl qaldırdığı iddianın ABŞ-nin rayon hakimi tərəfindən rədd edildiyi bildirilir. Hazırda Mayorqanın nümayəndələri ABŞ Apellyasiya Məhkəməsinin işin rədd edilməsi barədə qərarını ləğv etməsi və müştərilərinin 2018-ci ildə ilk dəfə qaldırdığı mülki iddianın bərpası üçün çalışırlar.
Xatırladaq ki, 2018-ci ildə Mayorqa portuqaliyalı futbolçunun Las-Veqasda ona təcavüz etdiyini demişdi. Qızın dediyinə görə, hadisə 2009-cu ildə yaşanıb. Bundan sonra Ronaldo Mayorqaya susduğu üçün 375 min dollar verib. Öz növbəsində təcavüzkar ona qarşı irəli sürülən ittihamları rədd edir.
