
Kuba Qərbin Rusiyaya qarşı sanksiyalarını pisləyir
Havana dəfələrlə Rusiyaya qarşı sanksiyaları pisləsə də Ukraynadakı münaqişənin danışıqlar yolu ilə həllinə tərəfdardır.
Busaat.az xəbər verir ki, bu barədə Moskvada səfərdə olan Kuba prezidenti Migel Diaz-Kanel Dövlət Dumasının plenar iclasında bildirib.
“Kuba Rusiya Federasiyasına qarşı birtərəfli qaydada tətbiq edilən sanksiyaları qətiyyətlə pisləyir. Bölgədəki hazırki münaqişənin səbəblərini ABŞ-ın təcavüzkar siyasətində və NATO-nun Rusiya Federasiyası ilə sərhədlərə qədər genişlənməsində axtarmaq lazımdır. Havana dəfələrlə Rusiyaya qarşı sanksiyaları pisləsə də Ukraynadakı münaqişənin danışıqlar yolu ilə həllinə tərəfdardır” – deyə, Kuba prezidenti deyib.
Busaat.az























