"Kuril adaları Rusiyanın ayrılmaz hissəsidir" - Kreml

Kuril adalarının cənub hissəsi Rusiyanın ayrılmaz hissəsidir.

Busaat.az xəbər verir ki, bu sözləri Kremlin sözcüsü Dmitri Peskov Yaponiya Xarici İşlər Nazirliyinin bu ərazilərin Rusiyanın işğalı altında olması ilə bağlı bəyanatını şərh edərkən bildirib.

“Biz belə bəyanatları kifayət qədər müntəzəm olaraq eşidirik. Bu cür fikirləri və  ifadələri rədd edirik. Kuril adaları Rusiyanın ayrılmaz hissəsidir”, – Peskov deyib.

Yaponiya Xarici İşlər Nazirliyi  Tokionun Rusiyaya qarşı birtərəfli sanksiyalar tətbiq etməsi səbəbindən Moskvanın Yaponiya ilə rəsmi sülh müqaviləsi üzrə danışıqları dayandırmaq qərarını bir daha pisləyib. Xarici İşlər Nazirliyi həmçinin bildirib ki, Kuril adalarının cənub hissəsində keçirilən hərbi təlimlərə görə mütəmadi olaraq Rusiya tərəfinə etirazlarını bildirir.

Qeyd edək ki, Rusiya və Yaponiya İkinci Dünya Müharibəsindən sonra sülh müqaviləsi üzrə danışıqlar aparırlar. Bunun qarşısında əsas maneə Cənubi Kuril adalarına sahiblik məsələsidir. İkinci Dünya Müharibəsi başa çatdıqdan sonra bütün Kuril adaları Sovet İttifaqının tərkibinə daxil edildi. Bununla belə, Yaponiya İturup, Kunaşir, Şikotan adalarının və Yaponiyadakı Habomai adaları adlanan Kiçik Kuril silsiləsinin bir sıra maneəsiz adalarının mülkiyyətinə etiraz etdi.

1956-cı ildə Sovet İttifaqı və Yaponiya müharibə vəziyyətinin dayandırılması haqqında birgə bəyannamə imzaladılar. İki ölkə diplomatik və digər əlaqələri bərpa edib, lakin indiyədək heç bir sülh müqaviləsi imzalanmayıb.

Busaat.az