Fransa prezidenti Emmanuel Makron köhnə nizamdan yeni nizama kollektiv keçidin yaşandığını bəyan edib.
Busaat.az xəbər verir ki, bu barədə Makron Fransa cəmiyyətində baş verən dəyişikliklərə diqqət çəkərkən deyib.
“Bizi təmsil edən insanları biz seçdiyimiz üçün demokratiyada nifrət və şiddətə yer yoxdur. Biz kollektiv şəkildə köhnə nizamdan yeni nizama keçirik. Bütün gərginliyi yaradan da budur. Son illərdə sarı jiletlilər, Covid-19 epidemiyası, müharibə və enerjinin çatışmazlığı kimi böhranlardan keçmişik, başqa böhranlar da yaşayacağıq” –deyə, Makron bildirib.
Ukrayna-Rusiya müharibəsinə toxunan Makron Rusiyanın Ukrayna xalqını ümidsizliyə sürükləmək istədiyini bəyan edib:
“Hədəflər artıq hərbi deyil, hücuma məruz qalanlar təkcə ukraynalı döyüşçülər deyil. Ukraynaya dəstək üçün 13 Dekabr tarixində Parisdə keçiriləcək konfransa Ukrayna prezidenti Volodimir Zelenski ilə həmsədrlik edəcəyik. Fransızlar inflyasiya və enerji ilə bağlı narahatlıqlara diqqət yetirir, enerji qiymətlərinin artması bələdiyyələrə də təsir edir”.
Busaat.az
