KXDR-in sınaqdan keçirdiyi ballistik raket Şimali Koreya tarixində ən uzun məsafəni qət edib.
Busaat.az xəbər verir ki, bu barədə məlumatı Yaponiya Müdafiə naziri Yasukazu Hamada Milli Təhlükəsizlik Şurasının təcili görüşünün ardınca keçirilən mətbuat Konfransı zamanı bildirib.
“Biz güman edirik ki, atılan raket Hwason-12 tipli raketdir. Təxminlərimizə görə, raketin uçuş məsafəsi 4 600 km olub. Raket təxminən 3 200 km məsafədə Yaponiya sahillərindən uzağa düşüb” –deyə, Hamada qeyd edib.
Bu sınaq ilin başlanğıcından bəri sayca 23-cü raket sınağıdır. Pxenyan ən son 2017-ci ilin sentyabr ayında Yaponiya üzərindən keçən raket buraxıb.
Əlavə olaraq bildirək ki, Yaponiya donanmasının keçmiş komandiri Yoci Koda müsahibə zamanı Şimali Koreya raketlərinin ABŞ-ın Guam ərazisinə çata biləcəyini bildirib.
Busaat.az
