Lavrov aprelin 6-7-də Türkiyəyə səfər edəcək

Rusiyanın xarici işlər naziri Sergey Lavrov aprelin 6-7-də Türkiyəyə səfər edəcək.

Busaat.az RİA Novosti-yə istinadən xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.

Zaxarovanın sözlərinə görə,  görüş zamanı geniş spektrli məsələlərin, ilk növbədə, qarşılıqlı maraq doğuran ikitərəfli əməkdaşlığın perspektivlərinin, o cümlədən ticarət, enerji, turizm sahələrinin müzakirəsi planlaşdırılır.

“Ukraynadakı mövcud vəziyyət, Suriya və Qarabağ məsələlərinin nizamlanması, həmçinin Mərkəzi Asiya və Əfqanıstan da daxil olmaqla, regional və beynəlxalq gündəliyin aktual məsələləri üzrə fikir mübadiləsi aparılacaq”, – deyə Zaxarova bildirib.

Busaat.az