Rusiyanın xarici işlər naziri Sergey Lavrov BRİKS sammitində Rusiyanı şəxsən təmsil edəcək Cənubi Afrika Respublikasının Yohannesburq şəhərinə səfər edib.
Busaat.az xəbər verir ki, bu barədə TASS məlumat yayıb.
Qeyd edək ki, Rusiya prezidenti Vladimir Putin sammitdə tam şəkildə videokonfrans vasitəsilə iştirak edəcək. Digər məsələlərlə yanaşı, Rusiya lideri 2024-cü ildə Rusiyanın assosiasiyaya sədrliyinin prioritetləri barədə iştirakçılara məlumat verəcək.
BRİKS sammiti avqustun 22-24-də Yohannesburqda keçiriləcək və Qlobal Cənub ölkələrinin dövlət və hökumət başçılarının son illərdəki ən böyük toplantısı olacaq. 54 Afrika ölkəsinin lideri dəvət olunub. Kremlin mətbuat xidmətinin məlumatına görə, yekun razılaşmalar XV BRİKS sammitinin Yohannesburq bəyannaməsində təsbit olunacaq.