Rusiya xarici işlər naziri Sergey Lavrov israilli və fələstinli həmkarları Eli Koen və Riyad əl-Maliki ilə telefon danışığı apararaq Fələstin-İsrail münaqişəsi zonasında zorakılığın yeni raundundan narahatlığını bildirib.
Busaat.az xəbər verir ki, bu barədə məlumatı Rusiya Xarici İşlər Nazirliyi yayıb.
Məlumata görə, Rusiya tərəfi qeyd edib ki, Moskva Fələstin-İsrail münaqişəsində daha çox insan tələfatı və dağıntılara səbəb ola biləcək genişmiqyaslı silahlı qarşıdurmanın yenidən başlanmasına səbəb ola biləcək yeni zorakılıq dalğasından ciddi narahatdır.
Lavrov həmkarlarına son gərginlik nəticəsində mülki şəxslərin həlak olması və yaralanması ilə bağlı başsağlığı verib. O, İsrail və Fələstindən olan tərəfdaşlarını maksimum məsuliyyət göstərməyə və vəziyyətin daha da pisləşməsinə səbəb ola biləcək hər hansı hərəkətlərdən çəkinməyə çağırıb.
