Lavrov Qərbi Rusiya və Çin siyasətinə görə qınayıb

 Kollektiv Qərb Moskva və Pekinə qarşı hegemonluğunu qorumaq üçün ən çirkin geosiyasi mühəndislik hiylələrindən istifadə edir.

Busaat.az xəbər verir ki, bunu Rusiyanın Xarici İşlər naziri Sergey Lavrov “İctimai diplomatiyanın Rusiya-Çin münasibətlərinin qurulmasında, bərpasında və inkişafında rolu” adlı beynəlxalq konfransında etdiyi videomüraciətində qeyd edib.

“Bu gün kollektiv Qərb özünün əsas rəqibləri kimi seçdiyi Rusiya və Çinə qarşı tamamilə vicdansız geosiyasi mühəndislik metodlarından istifadə edərək hegemonluğunu qorumağa çalışır” – deyə, rusiyalı diplomat qeyd edib.

Onun sözlərinə görə, bu vəziyyəti nəzərə alaraq, Moskva və Pekin xarici siyasətdə sıx koordinasiyanı saxlayır: “Moskva və Pekin arasındakı əlaqələr beynəlxalq münasibətlərin demokratikləşdirilməsi və daha ədalətli çoxqütblü dünya nizamının qurulması səyləri baxımından əsas amillərdən biridir”.

Busaat.az