Lavrov xarici siyasət məsələləri ilə bağlı parlamentə məlumat verəcək

Rusiyanın xarici işlər naziri Sergey Lavrov  Dövlət Dumasının plenar iclasında rusiyalı deputatlarla ölkənin xarici siyasətinin əsas istiqamətlərini müzakirə edəcək.

Busaat.az bu barədə TASS-a istinadən xəbər verir.

Bu tipli əvvəlki müzakirə 2022-ci il yanvarın 26-da keçirilib. Hələ o vaxt Rusiyanın Ukraynada xüsusi hərbi əməliyyatı başlamamışdı. Həmin iclas zamanı Lavrov xəbərdarlıq etmişdi ki, Qərb ölkələri Ukrayna rejimini Rusiyaya qarşı birbaşa təxribatlar törətməyə sövq edir.

Rusiya Xarici İşlər Nazirliyinin sözçüsü Mariya Zaxarovanın sözlərinə görə, Lavrovun parlamentarilərlə illik görüşləri hakimiyyətin icra və qanunvericilik qolları arasında qarşılıqlı əlaqəni genişləndirməyə, mövcud beynəlxalq vəziyyətlə bağlı fikir mübadiləsi aparmağa imkan verir.

Qeyd edək ki, çıxışdan sonra Lavrov ənənəvi olaraq aktual beynəlxalq məsələlərlə bağlı deputatların suallarını cavablandıracaq.

Busaat.az