Leysan yağışları 24 nəfərin həyatına son qoyub

Nigeriyanın Katsina əyalətində davam edən leysan yağışların səbəb olduğu daşqınlar nəticəsində 24 nəfər ölüb.

Busaat.az xəbər verir ki, bu barədə məlumatı Nigeriya Fövqəladə Hallar üzrə Dövlət Agentliyinin (SEMA) sözçüsü Ömər Məhəmməd yayıb.

Daşqınlar nəticəsində 16 min 625 evin zərər gördüyünü qeyd edən Məhəmməd 1620 sahənin su altında qaldığını bildirib.

Məhəmməd əlavə edib ki, əyalət hökuməti tezliklə daşqın qurbanlarına humanitar yardım paylamağa başlayacaq.

Qeyd edək ki, Nigeriyada davam edən yağışların səbəb olduğu daşqınlarda ümumilikdə 500-ə yaxın insan həyatını itirib. İqlim dəyişikliyi və ətraf mühit üzrə ekspertlər ölkədə 53 milyon insanın daşqın təhlükəsi ilə üzləşdiyi barədə xəbərdarlıq ediblər.