Livan bankları narazı əmanətçilərin hücumlarına görə müştəri xidmətlərini dayandırıb

Livanda banklar narazı əmanətçilərin hücumlarına görə müştəri xidmətlərini dayandırıb.

Busaat.az xəbər verir ki, “Twitter”də yayımlanan açıqlamaya görə, iyulun 21-dən etibarən bank qurumlarının qapıları qeyri-müəyyən müddətə bağlanacaq.

İyulun 18-də naməlum şəxs “Kredit Libanais” bankının Şxim şəhərindəki filialına qumbaraatanla daxil olaraq 3 il əvvəl maliyyə böhranı səbəbindən bağlanmış dondurulmuş hesabdan 35 min dolların qaytarılmasını tələb edib.

Müalicə üçün lazım olan pulun bir hissəsini alan cinayətkar özünü mühafizəçilərə təhvil verib. Oxşar hadisələr iyulun 19 və 20-də Antelias, Beyrut və Bint-Jbeildə də qeydə alınıb.

Qeyd edək ki, Livan bankları ötən il iki dəfə müştəri xidmətlərini dayandırıb və bank ofislərini zəbt etmək cəhdlərinə etiraz olaraq sentyabr, oktyabr aylarında ehtiyat tətilləri keçiriblər.

Busaat.az