Luis Arce: "Boliviya BRİKS ölkələrinə litium və qida təklif etməyə hazırdır"

Boliviya BRİKS-ə dəvət olunarsa, digər üzv ölkələrə kənd təsərrüfatı məhsullarını, həmçinin litium və digər mineral ehtiyatlarını təklif etməyə hazırdır.

Busaat.az xəbər verir ki, bu barədə Boliviya prezidenti Luis Arce Boliviya TV-nin canlı yayımladığı mətbuat konfransında bildirib.

“BRİKS-ə təklif edəcəyimiz çox şey var. Hazırda BRİKS-in texnoloji müəssisələri üçün lityuma, həmçinin qida və digər təbii ehtiyatlara ehtiyacı var. Bizdə onlara lazım olan hər şey var: mineral ehtiyatlarımız, karbohidrogenlərimiz, litiumumuz və qidamız var”, – o, deyib.

Onun sözlərinə görə, BRİKS hazırda iqtisadi baxımdan G7-dən daha böyük təsirə malikdir və buna görə də onun ölkəsi üzv olmaq üçün müraciət edib.

“Biz də BRİKS bankının üzvü olmaq istəyirik”, – o vurğulayıb.

Arce bildirib ki, o, artıq bu məsələni BRİKS Yeni İnkişaf Bankının rəhbəri Dilma Russefflə müzakirə edib.

Xatırladaq ki, BRİKS ilkin olaraq Braziliya, Rusiya, Hindistan, Çin və Cənubi Afrikanı birləşdirən qeyri-rəsmi beynəlxalq təşkilatdır. BRİKS qısaltması ölkələrin adlarının ilk hərflərindən götürülüb. Üzv ölkələr avqustun 24-də keçirilən sammitdə qərara gəliblər ki, Argentina, Misir, Efiopiya, İran, Səudiyyə Ərəbistanı və Birləşmiş Ərəb Əmirlikləri 2024-cü il yanvarın 1-də qrupa qoşulsun.