Lukaşenko KTMT Nizamnaməsinə dəyişikliklərlə bağlı protokol imzalayıb

Belarus prezidenti Aleksandr Lukaşenko Kollektiv Təhlükəsizlik Müqaviləsi Təşkilatının (KTMT) Nizamnaməsinə dəyişikliklərlə bağlı  Dördüncü Protokolun ratifikasiyası haqqında qanunu imzalayıb.

Busaat.az xəbər verir ki, sənəd cümə günü milli hüquq portalında dərc olunub.

“26 avqust 2022-ci ildə imzalanmış Kollektiv Təhlükəsizlik Müqaviləsi Təşkilatının Nizamnaməsinə dəyişikliklər haqqında 2002-ci il 7 oktyabr tarixli Dördüncü Protokol ratifikasiya edilsin”, – məlumatda deyilir.

Qeyd edək ki, sənəd bu il yanvarın sonunda Belarus parlamenti tərəfindən ratifikasiya edilib. Dördüncü Protokola əsasən, KTMT Nizamnaməsinin 8-ci maddəsinə görə,  üzv dövlətlərin əlavə olaraq bioloji təhlükəsizlik sahəsində əməkdaşlığı haqqında müddəa öz əksini tapır.

Bundan başqa təşkilatın  Nizamnaməsinin 17-ci maddəsi isə səlahiyyətlərə vaxtından əvvəl xitam verilməsinin mümkünlüyü haqqında müddəa ilə tamamlanır.

Busaat.az