Lukaşenko və Putin KTMT-nin qarşıdakı görüşünü müzakirə edib

 Belarus prezidenti Aleksandr Lukaşenko və rusiyalı həmkarı Vladimir Putin arasında noyabrın 8-də telefon danışığı olub.

Busaat.az xəbər verir ki, telefon danışığı zamanı Belarus-Rusiya əməkdaşlığı məsələlərin və KTMT Kollektiv Təhlükəsizlik Şurasının qarşıdakı iclası müzakirə edilib.

“Aleksandr Lukaşenko və Vladimir Putin qarşıdan gələn KTMT iclasını müzakirə ediblər. Söhbətin digər mövzusu ticarət-iqtisadi əməkdaşlığa xüsusi önəm verilməklə Belarus-Rusiya münasibətləri olub” – deyə, Belarus prezidentinin mətbuat xidmətinin məlumatında qeyd edilib.

Lukaşenko və Putin həmçinin, bu ilin sonuna qədər keçiriləcək görüşlərin cədvəlini müzakirə ediblər.

Busaat.az