Qondarma Luqansk Xalq Respublikasının (LXR) sakinləri Luqanskın Rusiya tərkibinə qatılması üçün referenduma hazırlaşır.
Busaat.az xəbər verir ki, bununla bağlı qondarma dövlətin İctimai Palatası respublika rəhbəri Leonid Paseçniki Rusiyaya birləşməklə bağlı referendum təşkil etməyə çağırıb.
“Referendum haqqında qərar hər an verilə bilər, xalq buna hazırdır və yetərincə dəstəkliyəcək” – deyə, Rusiya Dövlət Dumasının deputatı, Müstəqil Dövlətlər Birliyi (MDB) işləri, Avrasiyaya inteqrasiya və həmvətənlərlə əlaqələr komitəsi sədrinin birinci müavini Viktor Vodolatski bildirib.
Qeyd edək ki, 21 Fevral tarixində Rusiya prezidenti Vladimir Putin LXR və Donetsk Xalq Respublikasının (DXR) suverenliyini tanıyıb və onların liderləri ilə dostluq, əməkdaşlıq və qarşılıqlı yardım haqqında müqavilələr imzalayıb.
Busaat.az
