Macarıstan Aİ-nin Rusiyaya qarşı nüvə sanksiyalarına qarşı çıxacaq - Peter Szijarto

Macarıstan Rusiya ilə nüvə əməkdaşlığını  məhdudlaşdıran heç bir sanksiyaları dəstəkləməyəcək.

Busaat.az xəbər verir ki bu sözləri Macarıstanın xarici işlər naziri Peter Szijarto bildirib.

Avropa Komissiyası, şübhəsiz ki, 10-cu sanksiyalar paketinin hazırlanmasına başlayıb.“Əgər paketə nüvə sahəsində Rusiya ilə əməkdaşlığa məhdudiyyətlər daxil olarsa Macarıstan heç bir təklifi dəstəkləməyəcək”, – Szijarto bildirib.

“Mən açıq şəkildə bildirdim ki, nüvə enerjisi Macarıstanın enerji təchizatı üçün həlledici əhəmiyyətə malikdir”, – deyən XİN rəhbəri Rusiyanın nüvə yanacağını istifadə edən Paks Atom Elektrik Stansiyasının ölkənin enerji təchizatının yarısını təmin etdiyini qeyd edib.

Qeyd edək ki, Paks AES-i olmasaydı, Macarıstanda mövcud enerji təchizatı qeyri-mümkün olardı.

Busaat.az