"Macarıstan dərhal atəşkəs əldə olunmasını və sülh danışıqlarının başlanmasını istəyir" - Peter Szijjarto

Fransa və digər Qərb ölkələri hesab edir ki, Ukrayna hərbi əməliyyatlarını davam etdirməli, sülh danışıqları isə döyüş meydanında vəziyyət Kiyev hökuməti üçün daha əlverişli olduğu vaxtda  başlamalıdır.

Busaat.az xəbər verir ki, bu sözləri Macarıstanın xarici işlər naziri Peter Szijjarto bildirib.

Szijjarto Fransanın xarici işlər naziri Ketrin Kolonna ilə danışıqlardan sonra deyib: “Biz dərhal atəşkəs əldə olunmasını və sülh danışıqlarının başlanmasını istərdik. Amma görünür, Fransanın mövqeyi, eləcə də bütün digər Avropa dövlətlərinin mövqeyi bizimkindən fərqlənir”.

Nazirin sözlərinə görə, Qərb ölkələri Ukraynada danışıqların başlanması üçün daha əlverişli şəraitin yaradılmasını gözləyirlər.

“Biz buna inanmırıq. Düşünürük ki, insan iztirabları dərhal sona çatmalıdır. Sülh indi lazımdır”, – deyə macar diplomat əlavə edib.

Həm Macarıstan, həm də Fransa Ukraynada sülh istəyir, lakin bu məqsədin necə olması ilə bağlı fikirləri fərqlidir.

Busaat.az