Macarıstanın neft-qaz şirkəti MOL və dövlətə məxsus enerji şirkəti MVM Macarıstan və Slovakiyanın enerji təchizatını daha da şaxələndirmək üçün Azərbaycandan ildə 160 min metrik tona qədər xam neft göndərmək üçün tankerləri birgə icarəyə götürəcəklər.
Busaat.az bu barədə xarici mediaya istinadən xəbər verir. Qeyd edilib ki, bu əməkdaşlıq vasitəsilə MOL öz emal zavodlarında emal olunan Rusiya neftinə alternativ xam neftin həcmini ildə 160 min tona qədər artıra bilər.
Xatırladaq ki, MOL 2020-ci ildə Xəzər dənizindəki Azəri-Çıraq-Günəşli (AÇG) neft yatağındakı Chevron-un payını alıb və MVM də keçən il Azərbaycanın Şahdəniz qaz yatağında 5%-lik pay alacağını bəyan edib.
