Makron “İsrailin varlığını qəbul etməyə” çağırdı

Yaxın Şərq regionunun bütün ölkələri İsrailin mövcudluğunu tanımalı və öz təhlükəsizliyini təmin etməlidir.

Busaat.az xəbər verir ki, bunu Fransa prezidenti Emmanuel Makron bildirib.

Makron Misir prezidenti Əbdülfəttah əs-Sisi ilə keçirdiyi mətbuat konfransında deyib: “Yaxın Şərqin bütün ölkələri İsrailin varlığını və təhlükəsizliyini təmin etmə zəruriliyini tanısalar, regionda sülh mümkündür”.

Onun sözlərinə görə, fələstinlilərin təhlükəsiz yaşaya biləcəyi öz dövlətinə sahib olmaq hüququ tanınmalıdır.

“Biz hər hansı eskalasiya və gərginlikdən qaçmalıyıq”, – Makron qeyd edib.

Pəri Əlizadə,
Busaat.az