Makron Paris sammitində nkişaf etməkdə olan ölkələrə böyük sərmayə qoymağa çağırıb

Fransa prezidenti Emmanuel Makron cümə axşamı günü qlobal maliyyə sistemini yenidən formalaşdırmaqla inkişaf etməkdə olan ölkələr üçün konkret qərarlar və böyük investisiyalar tələb edib.

Busaat.az xəbər verir ki, Makron bu barədə Parisdə keçirilən sammit zamanı bildirib.

Sammitdə çıxış edən Fransa prezidenti bildirib ki, heç bir ölkə “yoxsulluğu azaltmaq və ya planeti qorumaq” arasında seçim etməməlidir.

“Eyni zamanda, biz  yoxsulluq, iqlim və biomüxtəliflik problemlərinə daha çox sərmayə qoymalıyıq və biz bunu etməmişik”, – Makron deyib.

O, Beynəlxalq Valyuta Fondunun  beynəlxalq ehtiyat aktivi olan və sabit valyutaya dəyişdirilə bilən Xüsusi Borclanma Hüquqları vasitəsilə aşağı gəlirli ölkələrə daha çox vəsait təqdim etmək təşəbbüsünü yüksək qiymətləndirib.

Qeyd edək ki, Fransanın ev sahibliyi etdiyi sammitdə 50-dən çox dövlət başçısı, qlobal maliyyə rəsmiləri və fəallar iştirak edir.

Busaat.az