MAQATE İranın nüvə silahı proqramının olub-olmamasından xəbərsizdir - Baş direktor

 “Zənginləşdirilmiş uranın istehsal səviyyəsini artırmaq məqsədi ilə İran birdən çox cihaza sahib olmaq üçün kifayət qədər material toplayıb”.

Busaat.az xəbər verir ki, bu barədə MAQATE-nin Baş direktoru Rafael Qrossi CBC-yə müsahibə verib.

“Beynəlxalq Atom Enerjisi Agentliyi (MAQATE) İranın nüvə dövləti olduğunu etiraf etməyin vaxtı çatdığını düşünmür və İslam Respublikasının hazırda nüvə silahı proqramı hazırladığını göstərən hər hansı məlumata malik deyil” –deyə, Qrossi bildirib.

Tehranın nüvə bombası yaratmağa nə qədər yaxın olduğunu düşündüyü soruşulan Qrossi qeyd edib: “Zənginləşdirilmiş uranın istehsal səviyyəsini artırmaq məqsədi ilə İran birdən çox cihaza sahib olmaq üçün kifayət qədər material toplayıb. Lakin hazırda İranın nüvə silahına malik olduğunu göstərən heç bir məlumatımız yoxdur”.

Qeyd edək ki, Qrossi daha əvvəl Tehranın hazırda Birgə Hərtərəfli Fəaliyyət Planı (JCPOA) çərçivəsində üzərinə götürdüyü öhdəliklərə əməl etdiyini bildirib.

Busaat.az