Meksikada dəhşətli yol qəzası: 25 ölü, 17 yaralı

Meksikanın Oaxaka şəhərində sərnişin avtobusunun uçuruma aşması nəticəsində 25 nəfər ölüb, 17 nəfər isə yaralanıb.

Busaat.az bu barədə Meksika mətbuatına istinadən xəbər verir.

Meksika mətbuatının məlumatına görə, paytaxt Mexikodan Oaxakaya gedən sərnişin avtobusu Penasko qəsəbəsində magistral yolda 10 metrlik uçuruma yuvarlanıb.

Bildirilir ki, qəza zamanı 25 nəfər həyatını itirib, 17 nəfər ağır yaralanıb.

Hadisə baş verən bölgəyə çoxlu sayda təcili yardım və yanğınsöndürən briqadaları göndərilib, yaralılara ətrafdakı xəstəxanalarda tibbi yardım göstərilib. Qəzanın səbəbləri barədə araşdırmalara başlanılıb.

Busaat.az