Meksikada kartel üzvləri turizm obyektinə hücum etdi: 3 ölü, 8 yaralı

Meksikanın Quanaxuato ştatında yerləşən Selaya şəhərindəki La Palapa turizm kurortuna silahlı basqın edilib.

Busaat.az xəbər verir ki, Meksikada Jalisco New Generation Cartel (CJNG) üzvlərinin turizm obyektinə silahlı hücumu nəticəsində 3 nəfər ölüb, 8 nəfər yaralanıb.

Hücum edənlər obyekti yandıraraq hadisə yerindən qaçıblar.

Meksikanın ən təhlükəli cinayət təşkilatı olan “Jalisco New Generation Cartel”in (CJNG) ən azı 6 üzvü obyektdəki bəzi müştərilərə atəş açaraq, ərazini yandırıb və hadisə yerindən qaçıb. Təhlükəsizlik qüvvələri qruplaşmanın 1 nəfəri yandıraraq, 2 nəfəri güllə ilə vuraraq öldürdüyünü bildirib.

Hücumdan sonra müəssisədə təhdid ifadələrinin yer aldığı pankart asılıb. Pankartda CJNG-nin hücuma görə məsuliyyəti öz üzərinə götürdüyü, obyektin sahibinin ölümlə hədələndiyi qeyd edilib. “La Palapa”nın sahibinin həmin ərazidə fəaliyyət göstərən başqa bir kartellə əlaqəli olduğu bildirilir.

Hadisəni törədənlər hələ tutulmasa da, Quanajuato Əyalət Prokurorluğu hadisə ilə bağlı istintaq başladıldığını və çoxşaxəli əməliyyatların təşkil edildiyini açıqlayıb.

Busaat.az