
Meksikada turist avtobusu dərəyə düşdü: 18 ölü, 20 yaralı
Meksikada Nayarit əyalətinin qərbində avtobusun dərəyə aşması nəticəsində 18 nəfər ölüb, iyirmi nəfər yaralanıb.
Busaat.az bu barədə AFP-yə istinadən xəbər verir.
Mülki müdafiə rəsmisi Pedro Nunezin sözlərinə görə, özəl şirkətə məxsus avtobus turistləri qonşu Xalisko əyalətindəki Qvadalaxaradan Nayaritdəki Quayabitos çimərlik yerinə 220 kilometrlik səyahətə apararkən yoldan çıxıb.
Baş verən qəzanın səbəbi məlum deyil.
Avtobusda olan sərnişinlərin hamısı Meksika vətəndaşları olub.
Busaat.az























