Meksikada yük maşınında 129 qeyri-qanuni miqrant tapılıb
Meksikanın Verakruz əyalətində 129 miqrantın insan qaçaqmalçıları tərəfindən aldadılaraq yük maşını ilə daşındığı aşkarlanıb.
Busaat.az Meksika mətbuatına istinadən xəbər verir ki, polis San-İsidro şəhərində müntəzəm yoxlama apararkən, yük maşınının yatağında daşınan qeyri-qanuni miqrantları görüb.
Qvatemala, Honduras, El Salvador və Hindistandan olduğu bildirilən 129 miqrant təhlükəsizlik qüvvələri tərəfindən mühafizə altına alınıb.
Məlumata görə, mühacirlər arasında olan 19 uşaq da Dövlət Uşaq və Yeniyetmələrin Müdafiəsi Prokurorluğuna təhvil verilib.
Meksika polisi insan alverçiləri ilə əməkdaşlıq etməkdə şübhəli bilinən 4 nəfəri saxlayıb.
Busaat.az
