"Mən Afrikaya heç vaxt kasıb deməzdim, bura, çox zəngin bir qitədir" - Burundi prezidenti

Afrikanın yoxsulluğu haqqında fikir universal bir aldanışı əks etdirir, əslində bu, zəngin qitədir.

Busaat.az xəbər verir ki, bu sözləri Burundi prezidenti Evariste Ndayişimiye TASS-a bildirib.

“Mən Afrikaya heç vaxt kasıb deməzdim, bu, adi bir aldatmadır. Əksinə, bura, çox zəngin bir qitədir”, –  prezident deyib.

Prezident  2020-ci ildən Burundinin beynəlxalq və regional arenaya girdiyinə diqqət çəkib. Ölkənin Afrikadakı rolu artıb və “Afrika İttifaqı inkişaf həlləri tapmaq üçün regional mexanizmləri gücləndirib”. “Bu yaxınlarda Afrika Kontinental Azad Ticarət Zonası yaradılıb. Biz həmçinin regionda subregional təşkilatların rolunu yüksək qiymətləndiririk”, – Ndayişimiye qeyd edib.

O, qeyd edib ki, Afrika ölkələri  də bütün bəşəriyyətin inkişafına töhfə verməlidir.

Onun sözlərinə görə, ümumi bazarların və gömrük ittifaqlarının yaradılması Afrika xalqlarının birliyinə töhfə verəcək.

“Bu ticarət əməkdaşlığı Afrika bazarının genişləndirilməsinə yönəlib. Mən ümid edirəm ki, bizim vizyonumuz yaxın gələcəkdə reallığa çevriləcək”, – o, əlavə edib.

Busaat.az