Mənbə: "Türkiyə liderinin BMT-dəki təmaslarından sonra Ərdoğan və Putin yenidən görüşə bilər"

Rusiya prezidenti Vladimir Putin və türkiyəli həmkarı Rəcəb Tayyib Ərdoğan Türkiyə liderinin BMT-dəki təmaslarından sonra daha bir görüş keçirə bilər.

Busaat.az xəbər verir ki, bu barədə Hürriyet qəzeti yazıb.

Sentyabrın 4-də Soçidə danışıqlar zamanı Ərdoğan Putinin yoxsul Afrika ölkələrinə bir milyon ton taxıl tədarük etmək təklifini yüksək qiymətləndirib.

“Biz Putinin sözlərindən belə nəticəyə gəldik ki, taxıl dəhlizi danışıqları bir müddət davam edəcək. Ərdoğanın BMT-dəki təmaslarından sonra iki lider yenidən görüşə bilər”, – Türkiyə prezidentinin administrasiyasına yaxın köşə yazarı Abdulkadir Selvi qeyd edib.

“Ərdoğan taxıl dəhlizi ilə bağlı çox aydın idi. O, BMT ilə birgə hazırlanan təkliflər paketinin taxıl müqaviləsini canlandırmaq üçün uğur qazanacağına ümid etdiyini bildirib. Bu, vaxt aparacaq”, – Selvi yazıb.