Mənbə: "Türkiyədə qaz qovşağı ilə bağlı danışıqlar tezliklə aparıla bilər"

Türkiyədə qaz qovşağı layihəsinin yol xəritəsinin icrası ilə məşğul olmaq üçün birgə işçi qrupunun yaradılması ilə bağlı danışıqlar yaxın vaxtlarda aparıla bilər.

Busaat.az xəbər verir ki, bu barədə yerli diplomatik mənbə TASS-a bildirib.

“Layihənin yol xəritəsi elektron platformanın fəaliyyətinin hüquqi və inzibati məsələlərinin, ticarətin təşkili mexanizmlərinin, onlarda üçüncü tərəf nümayəndələrinin potensial iştirakının və digər texniki məqamların əlaqələndirilməsini nəzərdə tutur”, – mənbə qeyd edib.

Rusiya prezidenti Vladimir Putin sentyabrın 4-də Soçidə Türkiyə lideri Rəcəb Tayyib Ərdoğanla danışıqlardan sonra bildirib ki, “qazprom” qaz qovşağı layihəsi üzrə yol xəritəsi layihəsini Türkiyənin Botaş şirkətinə təhvil verib.