“Mercedes” Rusiya bazarını tərk etdi

Rusiya-Ukrayna müharibəsinin başlamasından 14 ay sonra “Mercedes-Benz”in Rusiya bazarından tamamilə geri çəkildiyi açıqlanıb.

Busaat.az xəbər verir ki, bu barədə şirkət özü məlumat yayıb.

Almaniya Xəbər Agentliyinin (DPA) xəbərinə görə, alman şirkətinin Rusiyadakı bütün aktivlərinin Rusiyanın Avtodom şirkətinə satışı başa çatıb.

Rusiya-Ukrayna müharibəsi başlayandan sonra “Mercedes” 2022-ci ilin martında Rusiyaya ixracı və bu ölkədə istehsalı dayandırıb.

Rusiyada “Renault” və “Nissan” şirkətlərinin aktivləri əvvəllər Rusiya hökumətinə verilib.

Busaat.az