Amerikalı aktyor Treat Williams 71 yaşında vəfat edib.
Busaat.az xəbər verir ki, aktyorun prodüseri Barri Makferson onun ölümünün təfərrüatlarını açıqlayıb.
Onun sözlərinə görə, qəza aktyor motosiklet sürən zaman baş verib.
Məlumata görə, qəza iyunun 12-də Amerikanın Vermont ştatının Dorset kəndi yaxınlığında baş verib. Müstəntiqlər bildirib ki, avtomobilin sürücüsü dönərək motosikleti görməyib. Williamsı Nyu Yorkdakı xəstəxanaya çatdırmaq üçün vertolyot çağırılıb. Lakin aktyor aldığı xəsarətlər nəticəsində dünyasını dəyişib.
Qeyd edək ki, Treat Williams 1970-ci illərdə məşhurlaşıb. Aktyor Brodvey musiqili əsasında çəkilmiş “Saç” filmində, bundan sonra daha bir neçə layihədə rol alıb. O, həmçinin Robert De Niro ilə “Once Upon a Time in America” adlı qanqster filmində də rol alıb.
Busaat.az
