Məşhur xəbər agentliyinin 62 illik arxivi oğurlanıb

Livanın rəsmi xəbər agentliyi NNA-nın 1961-ci ildən qorunub saxlanılan arxivi oğurlanıb.

Busaat.az xəbər verir ki, bu barədə Livanın informasiya naziri Ziyad Mekari məlumat verib.

Məlumata görə,  arxiv otağından şəxsiyyəti müəyyən edilməyən şəxs və ya şəxslər tərəfindən oğurlanan 5 kompüterin içərisində  1961-ci ildən bu yana qorunub saxlanılan şəkillərin də olduğu bildirilib.

Oğurluğu “böyük cinayət” olaraq xarakterizə edən nazir hadisə barədə dərhal təhlükəsizlik qüvvələrinə məlumat verildiyini və cinayətkarların tutularaq cəzalandırılması üçün hər cür səy göstərəcəklərini açıqlayıb.

Qeyd edək ki, arxivdə 1975-1990-cı illər arasında Livanda baş verən vətəndaş müharibəsinə aid mühüm fotoşəkillər və görüntülər var.

Busaat.az