Məşhur yazıçı rusların hücumu nəticəsində ölüb - FOTO

Ukraynalı yazıçı Viktoriya Amelina Kramatorskda rusların hücumu nəticəsində ölüb.

Busaat.az xəbər verir ki, Ukraynanın ən sevimli yazıçılarından biri olan Viktoriya Amelina Rusiyanın Kramatorsk şəhərində pizza restoranına raket hücumu nəticəsində aldığı xəsarətlər nəticəsində həyatını itirib.

BBC Türkcənin məlumatına görə, müharibə cinayətləri ilə bağlı araşdırmalar da aparan gənc yazar, hücumda həyatını itirən 13-cü şəxs olub.

“Həkimlər onun həyatını xilas etmək üçün hər şeyi etdilər, lakin onun yaraları çox dərin idi”, – PEN yazıçılar birliyinin Ukrayna bölməsi bildirib.

Kramatorsk şəhəri Ukraynanın nəzarəti altındadır, lakin Rusiyanın işğal etdiyi ərazilərə çox yaxındır.

Qeyd edək ki, hücum nəticəsində 60-a yaxın adam yaralanıb. Hüquq müdafiəçiləri hücumu müharibə cinayəti kimi qiymətləndirirlər.