ABŞ-da yerləşən e-ticarət şirkəti Amazon bu həftə kütləvi ixtisar planlaşdırır.
Busaat.az xəbər verir ki, bununla bağlı New York Times (NYT) qəzeti anonim mənbələrə əsaslanaraq məlumat yayıb.
Məlumata görə, Amazonun qlobal miqyasda artan qeyri-müəyyənlik ilə bağlı qlobal iş gücünün yüzdə 3%-nə bərabər olan 10 min insanı işdən çıxarmağa hazırlaşır.
Amazon hələlik məsələ ilə bağlı rəsmi açıqlama verməyib. İxtisarlar baş verərsə, bu, 1994-cü ildə qurulanan şirkətin tarixindəki ən böyük ixtisar olacaq.
Digər tərəfdən, noyabrın 9-da Facebook, Instagram və WhatsApp-ın sahibi Meta 11 mindən çox işçisini ixtisar edəcəyini açıqlayıb.
İlon Maskın Twitter-i almasından sonra, burada da ixtisarlar başlayıb və şirkət işçilərinin 50 faizinin işdən çıxarıldığı bildirilib.
Qlobal iqtisadi qeyri-müəyyənliklərlə üzləşən şirkətlər xərclərini azaltmaq və işə qəbulu dayandırmaq üçün addımlar atmağa məcbur olublar.
Dünyada artan inflyasiya və pisləşən makroiqtisadi mənzərə şirkətləri yeni vəziyyətlə ayaqlaşmağa məcbur edib.
