Minsk bütün mümkün təcavüz hərəkətlərinə cavab verməyə hazırdır – Lukaşenko

Qonşu dövlətlərin Belarusa qarşı mümkün təcavüzə hazır olduğunu müşahidə edirik.

Busaat.az xəbər verir ki, bunu Belarus prezidenti Aleksandr Lukaşenko bildirib.

“Ölkəmizə qarşı təcavüzün baş verə biləcəyini istisna edə bilmərik. Ən azından, qonşularımızda belə bir hazırlıq görürük. Biz bilirik ki, bu qonşuları sərhədlərimizdə gərginlik yaratmaq üçün kim təhrik edir” – deyə, Lukaşenko qeyd edib.

Belarus prezidentinin sözlərinə görə, bu kimi risklər təcili cavab qüvvələrini sınaqdan keçirmək qərarına səbəb olub:

“Ordumuzda təcili cavab deyilən qüvvələr var. Əgər gözlənilmədən bir şey baş verərsə, müəyyən müddət ərzində bu qüvvələr döyüş hazırlığı vəziyyətinə gətirilir və gərginliyin olduğu əraziyə göndərilir. Mən bu təcili cavab tədbirlərini sınaqdan keçirmək qərarına gəldim”.

Busaat.az