Misir və Rusiya ordularının Misir ərazi sularında həyata keçirdiyi birgə dəniz təliminin başa çatdığı açıqlanıb.
Busaat.az xəbər verir ki, bu barədə Misir Ordusunun sözçüsü Qərib Əbdülhafiz yazılı açıqlama yayıb.
Açıqlamada, Misir və Rusiya ordularının “Dostluq körpüsü 5” adlı dəniz təlimi həyata keçirdiyi bildirilib.
Əbdülhafiz təlimin Misir və Rusiya ordularının mütəmadi olaraq həyata keçirdiyi birgə təlim proqramı çərçivəsində reallaşdığını, bunun hərbi əlaqələrin inkişaf etdirilməsi və təcrübə mübadiləsinin artırılması istiqamətində məqsədyönlü addım olduğunu bildirib.
Əbdülhafiz Misir ərazi sularında keçirilən təlimin yeri, müddəti və iştirak edən qoşunlar barədə ətraflı məlumat verməyib.
Qeyd edək ki, Misir və Rusiya arasında 2015-ci ildə ilk dəfə keçirilən “Dostluq körpüsü” təlimi 2019-cu ildən etibarən hər il keçirilir.
Busaat.az
