MİT İraqın şimalında PKK-nın kəşfiyyat idarəsi rəhbərini zərərsizləşdirdi
Türkiyə Milli Kəşfiyyat Təşkilatı (MİT) İraqın şimalında yerləşən Sincarda keçirdiyi əməliyyatla terror təşkilatı PKK-nın kəşfiyyat idarəsi rəhbəri Fatma Onuru zərərsizləşdirib.
Busaat.az xəbər verir ki, bu barədə məlumatı Anadolu agentliyi təhlükəsizlik mənbələrinə istinadən yayıb.
Məlumata görə, Fatma Onur təşkilata 1990-cı illərdə İngiltərədən qatılıb və uzun illərdir təşkilatın silahlı qanadında fəaliyyət göstərir.
2016-cı ildə təşkilatın “NLP” kəşfiyyat strukturunda məsul pilləyə gətirilən Onur təşkilat üzvlərinə kəşfiyyat təlimləri keçib.
Qruplaşmanın İraq və Suriyada kəşfiyyatçıları arasında yer alan Fatma Onur İraqın Süleymaniyyə bölgəsi başda olmaqla bir sıra ətrf bölgələrdə Türkiyə təhlükəsizlik qüvvələrinə qarşı bir çox terror aktlarına rəhbərlik edib.
“Kında Maraş” kod adlı Onurun fəaliyyətini deşifrə etmək üçün ətraflı araşdırma aparan MİT, terrorçunun gizli tapşırıqla Kandildən Sincara göndərildiyini müəyyən edib.
Daha sonra əməliyyat üçün hərəkətə keçən MİT Sincarda uğurlu əməliyyatla Fatma Onuru zərərsizləşdirib.
Busaat.az
