Türkiyədə seçkilərin birinci turuna bir gün qalmış Milli Kəşfiyyat Xidmətinə (MİT) çevrilişlə bağlı məlumat daxil olub, lakin bu, təsdiqini tapmayıb.
Busaat.az xəbər verir ki, bu barədə “Yeni Şafak” qəzeti yazı dərc edib.
“Yeni Şafak”ın əldə etdiyi məlumata görə, mayın 13-də, saat 13:00 radələrində Dəniz Piyadaları Korpusunun mayoru S.T. MİT-in Çanaqqala bölgə idarəsinə gedərək, dövlət çevrilişinə cəhdin baş verdiyini bildirib.
Məsələ ilə əlaqədar MİT, Milli Müdafiə Nazirliyi, Baş Qərargah və Prezident Administrasiyası dərhal xəbərdar edilib.
Bütün kazarma və bazalarda növbə ilə axtarış aparıldığı bildirilib.
Lakin ekspertlər tərəfindən ifadəsi alınan S.T.-nin yalan danışdığı məlum olub və onun psixi sağlamlığı ilə bağlı şübhələr yaranıb.
Busaat.az
