Tbilisi xəstəxanasında müalicə alan Gürcüstanın keçmiş prezidenti Mixail Saakaşvilinin vəziyyəti ağırdır və onun arıqlaması davam edərsə, bu, geri dönüşü olmayan proseslərə gətirib çıxara bilər.
Busaat.az “RİA Novosti”yə istinadən xəbər verir ki, bu barədə bazar ertəsi Gürcüstan ombudsman aparatının həkimi Georgi Qriqoliya bildirib.
“Kaxeksiya getdikcə pisləşir. Saakaşvili ilə baş verənlər təbiidir: o, arıqlayır, əzələ və artıq sümük toxumasının məhv olması prosesi gedir. Bu, o, adekvat müalicə almadığı üçün baş verir”, – Qriqoliya jurnalistlərə deyib.
Onun sözlərinə görə, siyasətçinin çəkisi 55 kiloqrama qədər azalarsa, geri dönüşü olmayan proseslər başlayacaq və o, yatağa məhkum olacaq. Həkim bildirib ki, hazırda Saakaşvilinin çəkisi 64 kiloqramdır, lakin arıqlama tendensiyası hələ də davam edir.
Ombudsman Aparatının həkimləri fevralın 19-da Saakaşvilini müayinə ediblər. Həkimlər qrupunun rəsmi rəyində bildirilir ki, xəstədə tarazlıq və koordinasiya itkisi, psixi funksiyaların azalması, bədən toxumalarının öz-özünə əriməsi prosesi, əzələ atrofiyası, kaxeksiya müşahidə olunur.
Saakaşvilinin ailə üzvləri hər gün siyasətçinin ağır vəziyyəti barədə məlumat verir. Bundan əvvəl müstəqil həkimlər Saakaşvilinin ağır metallardan zəhərləndiyi barədə məlumat vermişdilər. Tbilisi Şəhər Məhkəməsi Saakaşvilinin xaricdəki klinikada müalicəsi üçün həbs cəzasının mümkün təxirə salınması ilə bağlı işə baxıb, lakin məhkəmə onun vəkillərinin vəsatətini rədd edib.
