Moldova parlamenti Ukrayna ilə Dnestr üzərində körpünün tikintisinə dair sazişi təsdiqləyib

Moldova parlamenti iyunda Ukrayna ilə Yampol şəhəri yaxınlığında Dnestr çayı üzərindən avtomobil körpüsünün tikintisinə dair imzalanmış sazişi ratifikasiya edib.

Busaat.az xəbər verir ki, “Hökumətlərarası saziş iki oxunuşda təsdiq edilib”.

Körpünün tikintisi ilə bağlı razılıq 2021-ci ildə iki ölkə prezidenti Maya Sandu və Vladimir Zelenski arasında keçirilən görüşdə əldə olunub. Körpü Kiyev və Kişinyov arasında nəqliyyat dəhlizinin əsas halqasına çevrilməlidir.Nəticədə  ukraynalı ixracatçılar Mərkəzi və Cənub-Şərqi Avropa ölkələrinə ən qısa marşrut əldə edəcəklər.

Qeyd edək ki, ümumi uzunluğu 1,4 min metrdən çox olacaq körpünün hər iki tərəfində piyada səkiləri olan iki hərəkət zolağı olacaq. Körpünün 2025-ci ildə istifadəyə verilməsi nəzərdə tutulur.

Busaat.az