Moldova prezidenti ölkəsinin hazırki on ilin sonuna qədər Aİ-yə qəbul olunacağına ümid edir

Moldova prezidenti Maia Sandu çərşənbə günü ölkəsinin cari onilliyin sonuna qədər Avropa Birliyinə qəbul olunacağına əmin olduğunu bildirib.

Busaat.az xəbər verir ki, Maia Sandu deyib:

“Düşünürəm ki, Moldova yaxın illərdə – bu onilliyin sonuna kimi Avropa İttifaqının bir hissəsi olmalıdır. Əgər biz səy göstərsək, hamımız çalışsaq, hər birimiz öz işimizi görsək, bu, baş verə bilər. Bizim səylərimiz gerçəkləşdi”.

Sanduya görə, Avropa İttifaqına daxil olmaq ölkənin iqtisadi inkişafı üçün daha geniş imkanlar açacaq və onun təhlükəsizliyini gücləndirəcək.

Qeyd edək ki, 2022-ci il iyunun 23-də Brüsseldə keçirilən Aİ sammitində Ukrayna və Moldovaya Aİ üzvlüyünə namizəd statusu verilib. Lakin tanınmamış Dnestryanı respublika və Qaqauz muxtariyyəti bu qərarı tənqid edərək, qərarın hökumətlə məsləhətləşmədən qəbul edildiyini bildirib.

Namizəd statusu Aİ-yə üzvlük yolunda bir addımdır. Aİ-yə qəbulla bağlı danışıqlara başlamaq üçün namizədlərin bir sıra tələblərə, o cümlədən islahatlara cavab verməsi nəzərdə tutulur. Moldovanın Avrointeqrasiya komissiyasının ilk iclası 2022-ci ilin oktyabrında keçirilib. Hələ o zaman etiraf olunurdu ki, hakimiyyət Aİ-nin ötən il qoyduğu 35-dən çox şərti vaxtında yerinə yetirə bilməyib.

Busaat.az