Moldovanın MDB-dən çıxması praktiki olaraq mümkünsüzdür - İqor Dodon

Moldova Respublikası Müstəqil Dövlətlər Birliyini tərk edərsə, bu, iqtisadi çöküşə və dövlətçiliyin qorunması ilə bağlı problemlərə gətirib çıxaracaq.

Busaat.az xəbər verir ki, bunu sabiq prezident İqor Dodon RİA Novosti-yə müsahibəsində bildirib.

“İqtisadiyyat nöqteyi-nəzərindən bu, bütün sektorlarda, həm də Moldovanın həyati vacib sektorlarında mühüm problemlərə gətirib çıxaracaq”, – Dodon deyib.

Siyasətçi ümid etdiyini bildirib ki,  MDB-dən çıxmaq çətin və vaxt aparan proses olacaq.

“Bu çoxtərəfli iqtisadi, sosial, humanitar sazişlərin ikitərəfli sazişlərə dəyişdirilməsi heç bir nəticə verməyəcək, praktiki olaraq mümkünsüzdür. Çox böyük vaxt və uzun illər aparacaq”, –  sabiq prezident vurğulayıb.

Qeyd edək ki, Moldova parlamentinin spikeri, İqor Qrosu mayın 15-də keçirdiyi brifinqdə Moldovanın MDB Parlamentlərarası Assambleyasından çıxmaq təşəbbüsü ilə çıxış edəcəyini bildirib.

Busaat.az